Dae Covid deghennoe Incoronados…
de Gigi Angeli


Tempus (tempo), Logu (pazio) e Fua (velocità).

Donzi azione ‘e s’omine e in natura
in Tempus Logu e Fua at cumprimentu
si in issos no b’at selembru tentu
su ch’essidi nd’est solu disaura.

Dae Covid deghennoe
Incoronados …

Su mundu aimus crettidu infinidu
ma laccanadu a taldu l’abbentamus
su logu ‘e primma chi connoschiàmus
istrintu s’est e paret cunsumidu.
Selembru chi pro eras tentu l’amus
in trint’annos, o mancu, est iscadidu;
in paris tempus como addoppiados
chircamus logu che’ sos disterrados.

Sa fua chi deretta ch’est bessida
su tempus e su logu at reduidu
no solu nois l’amus postu impidu
ma s’est leada che manera ‘e vida.
Donzi fattu ‘e natura ch’at torchìdu
e nois l’amus cherfida allimida;
cun dischìssios como raigados
nde ‘jompent paris sos males torrados

S’Incoronadu, de torrada, est cue
unu virus de logu meda attesu;
cue in passaritolta fit trattesu …
ma cun s’alentu in fua nd’est tottue;
s’esse’ mortale a istentu l’ant cumpresu
a ti bardare no cumprendes ue.
Su Logu, a dolu, nd’est cundidu como
ti salvas solu in cussu de intro ‘e domo

Niunu b’andat prus a triballare
e donzi attividade s’est frimmada
sa vida in tottue nd’est mudada
isettende de ‘essire a alidare
in d’una aera ‘e morte limpiada
e a sa vida ‘e innantis che torrare;
ma istantu, cun falche ‘e sa cumprida
che nd’est messende meda a metzus vida.

De deppidos torrados in caminu
bin nd’at, ma sono pagu bandiados
ant passu lentu e mancu caratzados:
che’ su clima mudadu ch’est ladinu !
o Polos cun ghiaccios iscazados,
e atteros chi sono ghjà in bighinu;
unu bisestru chi colat a lenu
ma in falada ch’est e no b’at frenu.

Sa plaga de su Covid ch’est mortale
nos dat s’anneu che un’agonia
custrintos semus gai in presghjonia
appittu chi che colet cussu male;
ma un’allebiu agattas cue in bia
ca de familia abbentat su gabbale …
e in cussa forzada recuida
nd’ischidat sos proites de sa vida;

… s’abberint gasi in domo tott’umpare
relattas chi nd’appagnant su gosare …

_________________


Da Covid diciannove
Incoronati …

Pensavamo il mondo senza fine
ma in ritardo ne constatiamo il limite
lo spazio che conoscevamo
si è ristretto e sembra sia esaurito.
L’equilibrio tenuto per ere
in trent’anni o meno, è terminato;
nel contempo raddoppiati
cerchiamo spazio come gli emigrati.

La velocità che ha preso il sopravvento
tempo e spazio ha ridotto;
non solo l’abbiamo ostacolata
ma si è presa come modo di vita.
Ha distorto ogni azione in natura
e noi l’abbiamo voluta persino ingorda;
can disquilibri ormai radicati
assieme arrivano i mali di rimando.

L’incoronato, di ritorno, e lì
un virus d’una terra assai lontana;
li solo nel pipistrello si annidava
ma col veloce dinamismo è ormai dovunque.
an’ capito in ritardo che è mortale
e a riguardarti non sai più dove.
Purtroppo lo spazio, ne è ormai infettato
ti salvi solo in quello che hai dentro casa.

Non va più nessuno a lavorare
ed ogni attività si è interrotta
la vita in ogni dove è cambiata
nell’attesa d’uscire e respirare
l’aria mondata da morte
e tornare alla vita di sempre;
nel frattempo con la falce di morte
ne ha già mietuto tanti a miglior vita

Di debiti restituiti già in camino
ce n’è ma son poco resi noti
an passo lento e non hanno maschera:
come il clima cambiato che è evidente
o i Poli con ghiacci che si squagliano
ed altri che sono già nel vicinato;
un disastro che procede lento
ma è ormai in discesa senza freni

La piaga di Covid, che è mortifera
ci pone in ansia come in agonia
siamo così, costretti in prigionia
in attesa che il male scompaia
ma un sollievo ti ritrovi davanti
che della famiglia riscopre il valore;
ed in quel forzato rincasare
ne risveglia i perché della vita;

… riaprono cosi di casa stando assieme
rapporti che raddensano il gioire …

04.04.2020

Segnalazione al Concorso di Sedilo "Abbarraindomotua" 2020