(A sorre mia Andreina - Billette 'e bonas uras)

Cunsizos pro sos settant'annos

di Benito Saba

Oe lompes abberu... settant'annos?!
Ténedi sana, zóvana e lestra,
déchida e corrïata che zinestra,
semper sulena, allegra, chen'affannos.

De su tempus chi colat sos malannos
cura a manzanu chito in sa palestra:
ancas, pes e benujos tue addestra
a... brincare a sa fune chentza dannos!

Lassa istare sa cursa in bricichetta,
su passizu ti bastat dogni die!
Màndiga - cun sas manos! - s’alïusta,

canta nde cheres tue, gai ses giusta,
ca su duttore nostru at nadu a tie
de impittare pagu sa furchetta!

P.S. (P.S. no est una peràula fea, cheret narrer chi apo sa coa, ca mi so ismentigadu su mezus!)

Amparet vida tua e sos chent'annos
Deus donet a tie mannos mannos!...
No??... Iscuja!... So tontu che s'arveghe...
Mi' su billette 'e viaggiu a... CHENT'E DEGHE!

_________________

(A mia sorella Andreina - Biglietto di auguri)

Consigli per i settant'anni
Oggi compi davvero... settant'anni?! / Consérvati sana, giovanile e agile, / graziosa e resistente come ginestra, / sempre serena, lieta, senza affanni. //
Del tempo che passa i malanni / cura di buon mattino in palestra; / gambe, piedi e ginocchia tu allena / a... saltare con la corda senza danni! //
Tralascia la corsa in bicicletta, / ti basta il passeggio ogni giorno! / Mangia - con le mani! - l’aragosta, //
quanta ne vuoi, così sei in regola, / perché il nostro medico ti ha prescritto / di far poco uso della forchetta!
P.S. (P.S. non è una parolaccia, significa che non ho terminato, perché ho scordato la cosa più importante!)
Protegga la tua vita ed i cento anni / Dio ti doni grandi grandi!... / No??... Scusami!... Sono tonto come la pecora... / Ecco il biglietto di viaggio per... CENTO DIECI!