Corazu
di Gaspare Mele

A Gonaria Piroddi in Pidia

Supportare cun clemenzia divina
sos males de sa vide, est’unu donu!
Deus a dadu a tottu mal’e bonu
lu descriete s’angelica dottrina.

Nostra Sennora de su chelu reina
nos daete cunfortu e perdonu
nos beneichete dae s’altu tronu
sos dolores de sa gente meschina.

Usa passenzia, vide e isperanza,
appas in coro Tuo su cunfortu
de Gesù, pro nois mortu in ruche!

S’impignu, s'amore, sa costanza
in lumene de Gesù Gristos risortu
d’illuminete sa vide de celeste luche.

=============

Felicidadade cantu cheres tenzas
a gustu Tuo, cun coro e sentimentu.
e Deus ti dieta salud'e cuntentu
e sa vide cunsacrada mantenzas.

A s'ideale mancu non benzas,
ne appas de precare pentimentu,
in cuss’andala risolutta a intentu
cun’anima e coro a Deus appartenzas.

E gioia de sa voluntade Tua
chi dispones, propones e intendese
su chi su coro bramat’e sperata.

E Deus cun sa bundade Sua
su chi disizas benigna pretendese
di ascultete, sa grassia di cuncedata.

===========

Accanses cantu cheres dae nou
di currat benessere e salude,
prena de vigoria e de virtude
appas ricumpensas a gustu Tou.

Orotelli, Maggio 2011