Cor'e Sardigna ses truncad'a cantos
e sufris meda med'e cun rejone...
Dognun'oghende a disora bantos
no inzerriat che manna confusione.

Aggàlia si nascherat sa cussentzia
de fromrnare, in custaterr'aunida,
sos sardos puru, cun bona passentzia
e ligamentu de corale vida.

Podimus esser che mannu runaghe
bene pesad'essende nois sos crastos
chi si reghent umpar'in santa paghe,

chirchende d'acontzare sos sagrastos
a istèrrere sagradu condaghe
sighende de mannois sabios arrastos.

2° posto al Concorso Letterario di Samassi 2014