Confessione e comunione
di Padre Luca Cubeddu

Custa legge cumbenit oservada
Interamente dae dogni umanu,
Però attera legge ancora b'hada
Chi sas giaes de Chelu hat dadu in manu,
Chi est sa confessione: chi ordinada
L'hat Cristos pro d'ognunu cristianu,
Chi accusat sos peccados cun dolore
E l'assolvet su sou cunfessore.

Pensa però chi custa cunfessione
L'accumpagnet esaminu, e dolore,
Proponimentu e soddisfazione
Chi t'imponet su tou cunfessore,
Anda giunu a sa Comunione,
In grazia chi rezis su Segnore,
In cibu e nutrimentu ispirituale
Tale coment isse est vivu e reale.