Condoglianzas a Tiu Peppe
di Minnia Pani

Novas lutuosas apo retzidu
deghe de nadale a numen tentu
in sa mente bi fit su pessamentu
de iscrier custos versos in rima
chi podia mandare fintzas prima
a su tempus cando l’ apo ischidu

Da e Minnia de su logudoro
retzide custa lagrima infusta
mi paret sa cosa pius giusta
pro s’ amentu de sa pessone cara
e dignamente cheret venarada
che prendas pretziosas cun decoro

In chelu beneitu l’apat Deu
sa vida la devimus a sa morte
sos custrintos chi apan bona sorte
chentza neu ne mancia ne pecadu
sos frutos ch’ in su mundu at lassadu
sanos duren che seculu intreu.

Mi restat solu de bos saludare
Sos anghelos los potan coronare.

Otieri- Gennarzu 2012