Comu colbi di mari
di Gianfranco Garrucciu
seconda classificata a Tonara 2008

Colbi di mari
infatt’a lu bastimentu
a urruli si calani
in cilca di pruenda.
L’unda sciumosa
n’aggala gjugna bè
di lu ch’avanza ‘nnuttili
a la ciulma.
E si bitticcani furiosi
illi malcati griffi
undi la carri è dilica
ed è via
chì li sfidiati crami
so di la fami
rasgioni a no murì.
Di cantu dura, spotticu
lu ‘iaggju
tra middi boli
campati in malpassà
tantu s’attendi
chi in chissa bianca scia
bundanti s’abblumia
la pastura…
sì ch’è disiciu ‘anu
è disisperu…
Gali so li carreri mei
in chistu tempu
undi v’à nai dorati
a attraissalli
chi a lu passà
no lacani illa scia
che caravudduli solu
o pocu d’accuddì…
e comu colbi di mari
l’omini
ani ‘ani boli
e innutili dirrami…
li crami… so
d’antica fami!.

Come gabbiani

Gabbiani/seguono il bastimento/e urlando planano/alla ricerca di cibo./L’onda schimosa/ne restituisce ogni bene/di quel che avanza, inutile,/alla ciurma./E si beccano violenti/nelle marcate ferite/dove la carne è delicata,/è viva/perche quei perfidi e inconsolabili gemiti/sono della fame/unica ragione per non morire./Per quanto dura, padrone,/il viaggio/tra mille voli/vissuti nella sofferenza/tanto ci si aspetta/che in quella schiuma bianca/abbondante si addensi/la pastura,/ma è desiderio vano/ è disperazione…/Uguali sono le mie strade/in questo tempo/dove ci sono navi dorate/che l’attraversano /e al passare/lasciano nella loro scia/ solo briciole/ o poco da raccogliere…/e come gabbiani,/gli uomini,/ hanno vani voli/d’inutile struggimento…/e i lamenti…sono / d’antica fame!.