Como chi sa zoventude
di Larentu Pusceddu

Sos parcos,
a sas festas de s'incunza,
si bestian de laru nuscosu,
e sos poetas
incantaian su chelu,
chi in sa notte
de Santu Larentu
pranghiat isteddos,
che sos ocros mios
lacrimas mudas
de amargura,
como chi sa zoventude
su tempus l'est binchende
e cando ascurto
sos canticos anticos
chi in su mudimine de sa notte
sa chitarra lena sichiat
dande armonia
a serenadas de amore.

Paren boches luntanas,
murusinis de gamas paschende,
de canes appeddande a sa luna,
de feminas ermosas ninniande.
E si non b'esseret sa memoria
a dare realidade a cust'ammentu,
diat parrer chi sa pitzinnia mia
siat istada un'olvidadu bisu.

(Mamoiada " Menzione d'onore 2002")