Coro meu, non deves dimandare,
ista segura, est mentzus de no ischire
cando sa vida nostra at a finire
e cantos ierros b’amus de colare

che a custu, ch’agitende este su mare
e percossat s’ispunda de Gaddura,
chi si però nos corpat malaura
mancu semus seguros de che ogare.

Non bides chi su tempus est bolende
e mai faghet arressa in su caminu?
Filtra como in sos calighes su inu,
su tempus colat mentre ses faeddende.

Tue chilca ’e ti gosare su momentu,
su ch’at de bonu pensa a ti coglire,
de totu faghe pro ti lu godire
e a su cras non dias afidamentu.