Cantu de sedatu
de Mario Nurchis

Moglie:
Sedato e sedato
inoghe m’agato
pensende a comare
chi no’enit a pare.
Li chirco sa paghe
ma issa no faghet
che dannu in sa domo
e no est (e) pro como
chi custu machine
nde ‘idet sa fine.

Marito:
Sedata, sedata.
Su saccu ‘e patata
de cussu ministru,
chi cambiat registru
a dogni mamentu
est totu cuntentu
de fagher disgrascias
gioghende a sas tassas,
e nois de campagna
nde ogamus migragna.

Moglie:
Sedato e sedato
s’isterzu mi fato.
E bista chietu
o fizu ‘e s’apretu
de amore de isposa.
E lassa sa cosa
chi babbu no cheret
murrunzu ‘e muzere,
chi mancu unu ‘asu
lu ponet in pasu.

Marito:
Sedata, sedata
sa simula est fata.
Su fizu chi cheres
a zigu lu tenes.
Non bastat laore,
o rosa de amore.
In chirca de gosu
no apo reposu,
ma pois de chenare
nos tocat de amare...