Cando sa terra mia....
de Giangavino Vasco

Cando sa terra mia
s’at a prenar’‘e fiores campinos
inchintos d’erba frisca
da’ su lentore infusta
e consolada,
cando in cust’‘adde amada
ap’a intender torra
su murmuttu
de s’abba de su riu,
cando onzi disaffiu
at a sensare,
tando ap’a semenare
ranos chi in sas intragnas
su tempus m’at regoltu,
po los bier brotande
in sas abréschidas
de unu sole tébiu.

E che ómine sàbiu,
e fidele
a printzìpios cuados
in fundu ‘e chelos nidos,
sentidos ap’a ponner
in assentu,
como ispartighinados
da’ su ‘entu
de falsidade e tramas
de ingannu.
E su bene prus mannu
ap’a giùghere
in altu, in bratzos mios,
cun sa fortza
de s’ispera cumprida
intr’‘e su pettus,
da’ su sinu allattada
de s’amore.

_____________

QUANDO LA MIA TERRA...

Quando la mia terra
si riempirà di fiori campestri
avvolti di erba fresca
dalla rugiada bagnata
e ristorata,
quando in questa amata valle
sentirò nuovamente
il mormorio
dell’acqua del fiume,
quando ogni contesa
finirà,
allora seminerò
granelli che nelle viscere
il tempo mi ha conservato,
per vederli germogliare
alle albe
di un tiepido sole.

E quale uomo saggio,
e fedele
a princìpi nascosti
in fondo a cieli tersi,
sentimenti metterò
in ordine,
ora sparpagliati
dal vento
di falsità e trame
di inganno.
E il bene più grande
porterò
in alto, nelle mie braccia,
con la forza
della speranza maturata
dentro il petto,
allattata dal seno
dell’amore.

Premio Speciale "PEN Club Sardegna" alla 60^ Edizione del Premio Ozieri di letteratura e poesia sarda. OZIERI 29 febbraio 2020