Che tronos intro de note
m'istragant ammentos segacoro
de dies d'anneu
in su trobogiu de sentidos.

Assurvilat sa temporada
a furridas de bentos d'antigorios
imbefende su dolore meu...
... trevucu.

Mi tocheddant in coro
sos batimos iscasciados
a s'atitidu disapiedosu
tzacadu in meragnas.
Onzi fibbia de carena
tremet
bidinde pessighinde lampos
chi calpint sos atomos de s'amina
in abbolotu molionosu...
... che araganu.

Mentziome Cuncursu de Poesia in Limba Sarda - Tissi 2008