Bonu Cumpreannu Luisu Ladu
de Salvatore Deligia

Augurios de coro Luisu caru
po sa sum'e annos cumpridos
de salud'e allirghia siant sighidos
de pelleas e anneos a su reparu.

De sos poetas Mentore e faru
as in su situ tou poetas unidos
cun cantigos dae tottus lezzidos
in sardu idioma a mundu raru.

Dae oe logres dogni cuntentu
cun salud'e allirghia onz'istante
e arribes a festare su de chentu.

Coment'oe cun ispiritu costante
in sas nobiles operas s'intentu
e chi Deus ti lu torret bundante.

Su bene chi faghes a bisonzante.

Ilartzi su 26 de Martzu 2019