BONAS FESTAS

ISETANDE SA DIE 'E SU NASCHIMENTU
CURREN PERAULAS DE DOGNI ZENIA,
DE AUGURIU, DE GOSU, DE ALLEGRIA
CHI DOGNI CORO FAGHET PRUS CUNTENTU.

BOLAN IN SAS AERAS CHEI SU 'ENTU,
IN SOS FILOS DE SA TELEFONIA:
"MESSAGINOS", "E-MAIL", CHE MAIA,
SUN ARRIVADOS IN D'UNU MOMENTU.

CUDDAS NODIDAS DIES ISETADAS
TI APORZEN S'AFETU E SU CALORE
DE ISTIMADOS E DE ISTIMADAS.

SA MANU SANTA DE NOSTRU SIGNORE
TI REGALET SAS COSAS DISIZADAS
E TI PRENET SA DOMO 'E BONUMORE.

BONU NADALE E BONOS TRES RESE!
BONA FORTUNA IN SU DUAMIZESESE!

Antoni Piras