Bidda cara, bidda mia
De Sardinna ses su coro
Ti so fizu, minde onoro
Mind'onoro 'e t'esser fizu
A su sole as'assimizu
Che pandela ses bestia.

Chercos birdes a corona
Umbras, fontes d'aba pura
Cando frorit sa pastura
De sa marghine s'incantu
Ses s'imbidia, ses su vantu
De sas biddas de sa zona.

Durche sa note ti pasat
E t'ischidat su manzanu
Parent rosas de veranu
Sas pizinnas tuas bellas
Nudda contant sas istellas
Cando su sole las vasat.

E sas marnas! Tind'abizas
Foristeri cando passas
Coro e anima che lassas
Ca sirenas ti den parrer
Sas chi t'ana a fagher narrer
Sunu menzus de sas fizas.

Test che leze s'usu antigu
S'agasazu e zentilesa
Mesa longa, vinu in mesa
Pane 'e vresa cun cocone
Una o s'atera istajone
Janna aperta as prò s'amigu.

Suta chelos de maghia
Si so vora biso a tie
Cucuzada da su nie
Caentande a Nina mia.

Bidda cara, bidda mia.