Son solu giogos de paraulas

A mama chi m’ada lughidu sos
ogros chin sa primm’avveschida

Avveschida

In su manzanu su mare pintat
Nieddores carpidos de grogores
In isse su sole si retratat
In giogos abbelidos dae frores

Pesendedi dae intro sas abas
De lunghentesa mi prenas sos ogros
Los abeglio e mi allambrias
E ido mescrados alvos e grogos

In su mamentu s’allughene sas abas
Mudendesi in coloridos campos
In tremulos ballos de mariposas

S’est ingrispida e paret buddida
E paret chi s’astru es ilzopende
Ma non bada pore est “avveschende”

Giuanne Chessa dae "Pizzinnos" 22.07.2002