Augurios mannos
di Gigi Piu

a dott. Luca Urru

Augurios mannos caru Luca
Ca ses meigu nou, ses Dottore,
Ischia chi b’at solu sabiore
In su chi naras, cando abberis buca.

Chie jughet che tue sale in zuca
Resessit sempre a si fagher onore…
Irridu de amparu in su dolore, (1)
In sa salude debile, caduca.

Sias tue, padronu ’e sa virtude
Chi sicat in su nascher dogni male
Colondra de sa fisica salude. (2)

Un’astru luminosu sias tue
E in sos padros de sa meighina,
Sos lugores ispargas in totue.

…...Sempre ti ghiet sa manu Divina.

Magumadas, 21-10-2011

________
(1) Irridu = Diluvio
(2) Colondra = Pilastro