A sos amigos Luisu Ladu e Maria Moretti de Bolotana

Parigi e sos decoros colossales
Pro sas Festas és torra in movimentu
Cresias Bellas Mannas Cattedrales
Cun Presepios decorados a talentu

S’imensa Senna e sos suos Canales
Paren Decoros de su firmamentu
De su Campu Eliseu sos locales
Preparan sos Vegliones cun apentu

Perô mancari siat tottu in mannu
Non bos podimos mai ismentigare
Denanti a Nostra Dama sacra e Pia

E cun vera istima Sarda Augurare
Bos cherimos caros Luisu e Maria
Bonu Natale e Felice Bon’Annu
_____________________________
E S’Annu Nou ca l’ispettan tantos
Siat paghe e Salude a Tottugantos
___________________________
E a Peppe Concas cun rispettu tantu
Bonas Festas de coro ateretantu

Courbevoie Parigi Natale 2013