Augurios de Bonas Festas 2011
di Serafino Putzolu

«A Luisu e Maria Ladu»

Caros sa festa e Natale es vicina
Amentu Eternu e a Santa naschida
Innoghe in custa zona Parigina
Sun preparande sa festosa enida

Ogni prazza ogni via ogni vitrina
Es deccorada e bene abbellida
Da Nostra Dama a Santa Caderina
Fatt’an Presepios cun arte decchida

In mesu e custu movimentu mannu
Cun dogni Altare illuminada e Pia
Non bos podimos certu ismentigare

Cun vera istima Luisu e Maria
Bos cherimos de coro augurare
Bonu Natale e felice Bon’Annu
_____________________________
S’annu chi enidi in gita discretta
Ispero e bos cantare a boghe netta

Courbevoie Natale 2011