Cando su professore
rimandat sa materia
est una cosa seria
de non lear’a giogu
e deo chin cust’isfogu
lu rimedio s’errore.

Vitalia, ped’iscusa
ca cussa sufferentzia
deo l’app’ignorada.
Como chi ses sanada
aguanta chin passentzia
custa mente cunfusa.

Da oe in susu usa
riguard’a tie matessi;
no istes a s’intr’e bessi
dae s’ispidale sardu.
Matessi a tie riguardu
po sa bona salude.

Bene che in zoventude
istes menzus po tene.
Che in zoventude ’ene
ti goses po chent’annos
ca istare chen’affannos
est una cosa seria.

Augurios de coro e chi su tempus benidore
siat serenu e prenu de bellas cosas.
Luigi e Pia

Isili, maju 2015