Astrau

di Benito Saba (2006)

E faladu est su fritu,
astraadu at su chelu
chídrinu.
Tasidu at sa mente chijinarza
s'illieronzu promintu a su mundu,
in sa lèria 'e su coro at meledadu
de iscampare cuada,
in appittu istúnigu parada.

Pius a nudda m'indeletto
e cussat totu a ojos mios
discuidábbile anzenu,
chene b'esser áteru mannadu
in sas intragnas mias.

In su puttu bagante 'e sa cussèntzia
totu, abbovadu, s'isprigat isfaltadu,
ruen marrarzos lébios a retentu
mudurros,
perunu intumbu nde pigat
dragumannu.

Chie torra m'at a dare su granzeu
de s'avréschida cálida 'e beranu?

*************

Gelo

Ed è calato il freddo, / ha ghiacciato il cielo / rigido terso. / La mente pigra ha rinviato / il parto promesso al mondo, / nell'indifferenza del cuore / ha calcolato di sopravvivere acquattata, / immobile in attesa sterile. //
Più a nulla m'interesso / e tutto scorre ai miei occhi / trascurabile estraneo, / senza che ci sia altro d'importante / nel mio intimo. //
Nel pozzo vuoto della coscienza / tutto, incantato, si specchia confuso, / macigni leggeri precipitano lentamente / silenziosi, / nessuna eco risale / interprete. //
Chi mi darà nuovamente il dono / dell'alba calda di primavera?

(Menzione d'onore al XXI CUNCURSU DE POESIA IN LIMBA SARDA F. P. TILOCCA - OSSI – 2006)