ARDAULI

A batroghentosbintunu ’e su mare
T’at postu Ardauli sa natura
Cun fundamentos in sa roca dura
Pro chi pottas in eternu durare.

De zente onesta sincera e sigura
Ses abitada lu podes vantare
Bonu Camminu est mere in s’altare
Cosomo e Damianu ti dan cura.

Connota pro sos coros giustos francos
Ospitale funtana ’e fratellanza
Ca t’an creadu in d’una bona insigna.

Totus ti vantan sos binos biancos
Non solu in cussa zona ’e vicinanza
Ma in totu sas partes de Sardigna.

Serafino Putzolu - Parigi, 29.07.2001