Arbores de pache e de amore
de Pietrino Monni

Saludos a chie b’este
E a chie non b’este.
Saludos a chie ridet
Ma ista male.
Saludos a chie pranghet
Ma chene l’ammustrare.
Saludos a chie at perdidu sa mama
E a chie in su babbu at isperadu.
A chie no est istadu accuntentadu
E a chie de cunfortu tenet brama.
Saludos a chie moghete
E a chie issetta(t) de torrare
A chie pessa(t) de abarrare.
E puru a chie at semper fattu male
Ma chin s’issettu de lu perdonare.
Saludos a chie bi credete
E a chie lu cheret ma non podete.
Saludos a chie est ruttu e sinne pessata
E a chie no at su corazzu ‘e s’arricare.
Saludos e bida longa a chie est amadu
E a chie semper solu est arreadu.
Saludos a chie at lacrimas pro pranghere
E a chie las podet assuttare.
Saludos e salude perenne
A chie istimo de coro e chin sa mente.
E saludos a mimme sennamente
Chi so inoche a bos pessare.