Anzianos, umpare a betzos dannos
Aggradesside su saludu meu,
Non bos manchen sas oras de recreu
In su cammin-’e su rest-’e sos annos,

Sena pena, dolores, ne affannos
Che superedas su seculu intreu;
Po chi sos caros de su ’ostru ereu
Sigan a indossare allegros pannos.

Betzu, de su ch’ast fattu in gioventude,
ti restet sempre lughidu s’ammentu
po chi de sa ’etzesa ti nde godes,

Un’ora non ti manchet de salude
Imbetz-allegru, serenu e contentu
Cun s’affettu de fizos e nepodes.-