Sa simpatia dechìda e su tratu
su candore sas trizas e sas laras
sa bonidade e s’aspetu gentile.

Regirare columba mi an fatu
de primavera raconta e naras
colores bellos che mese e aprile.

Sa simpatia dechìda e su tratu
su candore sas trizas e sas laras
sa bonidade e s’aspetu gentile.

Ideas de amore pius caras
pones a mie dae te feridu
cun frizas de amore m’as colpidu
aspetto dae te sinzos d’afetu .

Sa simpatia dechìda e su tratu
su candore sas trizas e sas laras
sa bonidade e su gentile aspettu

Onzi momentu pro te in’isetu
isto aspetenne sa giamada tua
naramilu in craru e no a cua
ae de custu coro piedade.

Sa simpatia dechìda e su tratu
su candore sas trizas e sas laras
su gentile aspetu e bonidade

Ideas mias sos sognos lassade
non bos ponzedas meda in oriolu
ca si sa sorte bos secat su bolu
ana esser pro me penas amaras.

Ssimpatia dechìda e su tratu
sa bonidade e s’aspetu gentile
su candore sas trizas e sas laras

Sas miradas chi das canno t’aciaras
a su balcone tue frisca rosa
son rajos de bellesa portentosa
chin coro mi penetrana che frizas

Sa simpatia tua dechida e su tratu
sa bonidade e s’aspetu gentile
su candore sas laras e sas trizas

In ermosura e bellessa assimizas
a Venus bella in su naschimentu
si mutis tue lizeri che bentu
s’arzat volenne donzi malumore.

Sa simpatia dechìda e su tratu
sa bonidade e s’aspetu gentile
sas laras sas trizas su candore

Sos ojos fiammantes de ardore
risplennene de te fachennìincantu
luna e sole non risplenden tantu
comente lunghe su tou retratu .

Sa bonidade e s’aspetu gentile
sas laras sas trizas su candore
sa simpatia dechìda e su tratu

Nidu in su coro meu tue as fatu
tessidu e ricamadu a fozas d’oro
nidu tue b’ as fattu intro su coro
che turturella in sa parma fozida .

Sa bonidade e s’aspetu gentile
sas laras sas trizas su candore
sa simpatia e su tratu dechìda

Pro tene dia renner coro e vida
amore giuro fin a esser mortu
ses pro me su solu unicu importu
chi conservare in su coro cheria.

Sa bonidade e s’aspetu gentile
sas laras sas trizas su candore
su tratu dechìdau e sa simpatia

2013