Ammentos de atonzu
de Vincenzo Pira

Paraulas che sinnos
pessamentos perdios
che ‘ozzas de atonzu
chi olant chin leidade.
Canta tristura
donnia sero
ispettande e timende
sa fine ‘e sa die
lusingà dae su sole.
Torrat sa notte
chin sinnos de novas isperas.
Cantos ammentos
cust’atonzu
ti dolent in conca.
Cantas lacrimas as contau
donnia notte
isperande luchinzos
po ispapatare sa vida?