AMIGOS PERDONADE

Amigos perdonade su chimentu
fattu cun s’iscrittu a modu meu,
de vanidades mi liberet Deu
s’ambizione est degradamentu.

Non chelzo fama ma resto cuntentu
si custaS rimas bos ponen recreu,
s’in mesu b’agatades calchi neu
amigos perdonade est un appentu.

B’hapo leadu gustu, passione,
a iscrier mi ponet allegrìa,
mi dat mamentos de riflessione.

Passat malumore e nostalgìa,
s’ispiritu nd’hat esaltazione:
bos parte nudda s’acconcada mia?

Pietro Chessa