Aliae Laudes de Passione
de Bonaventura Licheri

Juxta sa Rugue penosa
estremas penas patende
stabat mater dolorosa
s'unicu figiu pianguende

Custa spada de dolore
qui li stesid travessada,
la tened martirizzada
cun martyriu de amore,
pius de Martyre in rigore
ogni pena supportende.

Tened su coro affligidu
cale ligiu in sas ispinas;
cale in sas abbas marinas
forte scogliu conbatìdu:
de sas undas circuidu
cun sos ventos batallende.

In su Clavariu affligida
stayad s'inclita mama;
cun ardentissima flama
d'amore totu incendida
vidinde s'unica vida
induna Rustie manquende.

La despidid su Senore,
pero l'aggravad sa pena
a Joanne, e Madalena
li dad pro consoladore;
cun lagrimas, e sudore
sas messidas issundende.

Pro su peccadu commissu,
pro cudda antiga dolencia,
custa mama de clemencia
offerid in sacrificiu
su figiu in sa Rugue affissu
a su padre suppliquende.

Si vidisid ecclyssada
cudda luna luminosa
fatta totu tenebrosa,
e in sanben transformada,
sutta sa Rugue occuppada
cuddas plagas contemplende.

Sos bracos fortes potentes
qui su mundu fabriquesin,
comnente in rugue manquesin
pro bois, ojos luguentes,
fattos si sun impotentes
s'anima in Rugue exalende.

Cun mortales sentimentos
Maria columba pura
dad a Jesus sepoltura
unguindelu cun unguentos
a sos passados contentos
tristas exequias cantende.

Bos supplicamos Reyna,
qui su coro nostru duru,
torred a istadu puru
pro gracia bosta divina,
a sa Deidade trina
pro custu fine preguende.