Alas ti presto libera a volare
su coro tou serro in petus meu
su c’as cuvadu in s’anima oddeu
in chelu jeo che lu faco arzare

Istas fughine senza ti firmare
ses che lentore ch’issolve sa die
ses su sognu ch’illuminat a mie
chi s’orizzonte chircat d’iscavare

ses de su ventu sa voche chi cantat
canno moghet de arbures sas chimas
sa c’accumpanzat chin versos e rimas
sas chi velas ispinghet e c’ammantat

che carrera connotta ses sicura
prena e voches ch’essin dae coro
ses sa luche mannada a rajos d’oro
ses de s’anima incantu in sa natura

Maju, 2015