|
Po sos
suos centusett'annos
Naschidu ses Gasparru in
bona luna
che matta seculare depputada
sa vivenzia ti enzat aumentada
cun salude allirghia e fortuna.
Cumprimentos pro custu
traguardu
chi siat illonghiadu a tou disizzu
a s'edade Noeddina tenzat assimizzu
in salud'amistade sempre gagliardu.
Adattadu ti ses a su computeru
lassande su tinteri in abandonu
iscriendesi poesias de altu tonu
cun versos che a tie omine veru.
Augurios po sos chentuset'annos
portados cun umana meraviglia
festados in amistade cun famiglia
senz'e connoschet anneos e affanos.
Ilartzi su
29 de arbile 2018
|
