A tottu sos sardos poetas,
chi tantas rimas isterrides,
e a chie su talentu no diffetta',
bogade dai coro su ch' ischides.

A chie legge dazis privileggiu,
cun sa lirica lis nùtride sa mente,
iscolpides de peraulas su fraseggiu,
raccontende sas cosas de sa zente.

De fattos attuales de ogni zenia,
denunziende cosas criminales,
o de chie est pattinde maladias;
ma senza codiare sa vida normale.

Sas bellesas de Saldigna contades,
iscriende sas mezzus poesias,
a sas bostras, però si m' azzettades,
azzunghere cheria puru sas mias.

Ognunu cun su propriu talentu,
ognunu cun sa sua capatzidade,
frimmas che unu monumentu,
sian pro crasa bon' eredidade.

A sos Poetas tottu, sos saludos imbio,
e de iscriere ancora bellas rimas,
de essere a chent' annos galu bios,
S'Auguriu bos beni' dae Nando Piras.

Ollolai 14/11/ 2014