Amentos bellos
A su Poeta de Sennori Antoni Pazzola

Sos Dolmen de Borore in sa tanca
M’inbias in postale e minde onoro
Es bellu su e destra e su e manca
Ca nos amentana sos tempos insoro

Deo Antoni t’ispedo a Sacru Coro
Sa Cattedrale de perda bianca
Primu in capella b’ès Santu Sidoro
De fronte Santa Rosa e Santa Franca

Bianca sa puresa a Chelu giughe
S’incantu sa bellesa dogn’Altare
Turistas eni dae su mundu intreu

Medas chi bandana a la visitare
Finzas cuddos chi non cretene in Deu
Faghen su segnu de sa Santa Rughe

_________

Si che turista cheres visitare
De Parigi sos puntos importantes
Fazzo de tottu pro t’accumpanzare
Pro chi cuntentu passes sos istantes
T’invito a sos menzus ristorantes
Pro chi Parigi potas amentare
In modu che de sa Parigina arzola
Cuntentu abbarrede Antoni Pazzola

In cuss’ispettu fatto sos cungruos
Saludo a tie cun sos caros tuos

Serafino Putzolu - Parigi 29 Ennarzu 2004