A su Gruppu
di Giuseppe Concas

Incantevole bella isola sarda
su mundu intreu connosche su numene
a ziru ‘e mare è’ sa costa ismerarda.

In mesu a sas montagnas s’altitudine
de sa naschida semus orgolgiosos
de su modernu e antigu costume.

Sun cordiales e meda affettuosos
in su bene s’onore si han diffesu
che in triballu sos usos festosos.

Ei su gruppu forclore ‘olotanesu
a vista in centru ‘e sa Sardinna
a metade in su costone marghinesu.

Umile rispettosa e tantu dinna
e de tottu sas follas’attraente
e de artu valore nde ha s’insinna.

In medas partes de su continente
attentos han devidu accudire
a ch’intrare in su coro ‘e tanta zente.

E sighide piusu in s’avvenire
cun culturas de varios istados
nobiles festas pius progredire.

Coment’ ei como intercambiados
nde semus lietos e fieros
b’en’ennidos e bene ospitados.

Nos regalana cuddos bello’seros
musicas ballos e cantos famosos
cultura su ‘nde meda istranieros.

E de cantu sunu armoniosos
pezzos d’arte a-ite cosa bella
chei su gruppu nostru gioiosos.

Onz’unu sa sua tarantella
bois ballu cuncordu e-i su coro
varias limbas diversa favella.

Issos cuntentos a sa moda insoro
ma ecuivalent’ è s’armonia
si mes permissu a tottus bos’onoro.

Ca sa festa est’amor’e allegria
e dada a su sambene sustentu
ca non si vive de pane solu ebbia.

Anima puru su divertimentu
un’istrinta ‘e manu ‘e parte mia
retzi tottu su gruppu in su momentu.

E cun custa reale fantasia
unu saludu unu cumprimentu.

Bolotana, 02-08-2009