Chi sian in vista no lu potho negare
Ca bi n’at mannos cant’ unu portale
E chie los at fattos che postale
Pro esser prus de tottu singulare.

Pro ch’issire in sas eletziones
Ben in mostra in sos caminos
N’an prenadu sos muros de santinos
E ti promittini unu postu si los pones.

Issettanne de ch’issire vinchidores
In d’onzi bidda achen ispuntinos
Si son izzolos mutin sos padrinos
Pro chircare meda votadores.

Saludan a tottu sas pessones
E astringhen sa manu a sos chi colan
Si non son de su parthidu no l’ignoran
E a sos betzzos lis aumentan sas pensiones.

Zovanos ne ponen 100 in s’ispidale
Sos laureados che los tzaccan in sa banca
O los imbian chie a destra e chie a manca
Si nono a capu de sa forestale.

Sas pitzzinnas occupadas in uffiscios
Si son bellas son promossas segretarias
A tottu impinnan unu saccu ‘e lanas
Su chi contat est chi ch’essan iscios.