Sas Festas torrana cun caros amentos
Ponende tottu Parigi in decoro
Pontes Museos bellos Monumentos
Sas Mannas Nostra Dama e Sacru Coro

An tottu illuminadu cun talentos
S’Eliseu cun S’Alta Turre a fozzas d’oro
Sos mannos Ristorantes cun appentos
Preparana sos bellos Vegliones insoro

Certu in Parigi su decoro es mannu
Cun Presepios chi faghene incantare
Cun S’Istella e Betleme in S’arcu e Luna

Ma caros Luisu e Maria Augurare
Bos cherimos Bonu Natale e Bon’Annu
Cun paghe vera salude e fortuna
___________________________________
E da Parigi mancari lontanos
Festade bene e a nos biere sanos

E a Peppe Concas s’amigu siguru
Bonas Festas de coro a issu puru

Courbevoie Natale 2014