A sa Pro Loco
di Giuseppe Concas


Grazie a totta sa zente
soziu pro loco sempre attivu
a Gino chi es’ù presidente

a tottu s’intreu direttivu.
De sa cultura nostrana fattu ammentu,
su duamiza e otto positivu,

Ses b’istadu precisu e bene attentu.
Nò asa unu niente trascuradu,
s’opuscolu che unu testamentu

l’as fattu bene, menzus valutadu
as postu a Bolotana in risartu
in s’iscrittu, e fotografadu.

Distintas sas domos dae in’artu
cun’scaleddos e caminos varios
dae sos coddos ch’essini a su sartu.

Mirande sos antigos s’antuaris
t’incatas ficadu pro un’istante
de cantu sun’istraordinarios.

Cand’essi su sole in su levante
luminosu chei su sacramentu
de front’a nois e dest’importante.

Amos gratis su riscardamente,
solare dae nois costruidos
cando manca sa nue onzi momentu.

E puru sos fruttos saboridos
ue ferid’issu prò alimentu
sun prò chie los gusta preferidos.

Sos nuraghes antigu momunmentu
fin dae innanti cristos costruidos
fortezza robusta e fundamentu.

E comente cominzados e finidos
segrettu e nò s’ada ischire mai
solu suposiziones faghimos.

Pigas e ti acontras in Palai
mesa Sardigna che ies’attesu
e antennas chi trasmittini sa Rai.

Bi amos sa colonia e s’Ingresu
villa Piercy, fatta in s’ottighentos
logos de cura si aduras in mesu.

In Ortachis sos acampamentos
in subra s’Istrampu, de su Passiale,
da onzi logu ies movimentos.

Una missa solenne cordiale,
arrustos e tantos alimentos
onorande s’Assunta in generale.

Massazos e pastores sun cuntentos,
tazzos, fiottos de accas insore
bin medas de allevamentos.

Su campu vastu in paris, baled’oro
de su centru sardu sa richesa
tenelu contu sempre a bonu coro.

Pro loco de sa idda Olotanesa
in sa cultura nostra sighi ancora
pro turistas e tottu sos de fora,

panorama e sa cadena marghinesa.