A s’amigu e poeta Fonnesu Cristolu Muntone
de Serafino Putzolu

Cristolu in Parigi appo rezzidu
Sos versos tuos de altu talentu
Ue s’amicizia pones in eventu
Che Sardu veru d’onestu sentidu

Ma deo puru istadu sô cuntentu
In bidda mia t’aere connottu e bidu
Pro cussa sera de istoricu amentu
As bistu zente meda b’à benidu

Zente simpaticona iscultadora
Tra anzianos e meda gioventude
Pro cussos Santos de fama decchida

Perô su chi s’isperada in sa vida
De bivere dignamente cun salude
E Garas gai a de faghere ancora
______________________________
Pro su restu l’ischimos deo e tue
Chi sos bonos sun bonos in tottue
___________________________
Fattende a custas rigas sos congruos
Saludo a tie cun tottus sos tuos

Courbevoie 6/10/2012