A S’ Amigu e poeta Giuseppe Concas de Bolotana
de Serafino Putzolu

Augurios de Bonu Cumpleannu pro su 2 /9/ 2014

Peppe Concas de nou a t’amentare
De Ardaule sô cuntentu ocannu
Ca ti cherimos che sempre Augurare
Unu Bonu e felice Cumpleannu

Ottanta duos ti los podes contare
Sun tottus tuos e de ses mere mannu
In cussa istrada sighi a caminare
Cun Salude Morale senza Affannu

Ca ses mastru importante in Poesia
Cun Iscrittos bellos e famosos cantos
Merittas su prus altu Monumentu

Sos Degheotto chi mancana a Chentu
Passes cun paghe e cun bona armonia
Cun s’azzudu de Deus e sos Santos
______________________________
Tantu a sa moda antiga canta canta
S’istima nostra tenes sempre accanta
______________________________
E a Luisu Ladu e s’amada Signora
De parte nostra saludes Ancora