Adiosu amiga,
ite manzan’iscuru,
sa campana pianghet
dende su trist’ annùntziu
de lughes istudadas
de ‘idru e de ferru,
làgrimas de amore
in bentos de lamentu.

Adiosu amiga,
tipidiu de oro
ch’alciat como a su chelu
a giùghere sas chescias
de sos ùrtimos, mudos,
incadenados in terras
sicas de piedade
e de umanidade.

Adiosu amiga,
gherras pro sa giustiscia
sighimus in s’ammentu
de semidas aradas
pro dare su cunfortu
a chie est isporadu,
pro retzire caentu
e lughes de amore.

Terranoa, 6 /03 /2021