A Luisi Ladu
di Gonario Carta Brocca

Meda l'amus chircad'in custos annos
sos sardos de cuncursos e porfias
u'armados de contos e poesias
amus chertadu chin poetas mannos.

Leande cando nudda cando pannos
amus connottu premios e giurias
chi nos an dadu gosu e tribulias
chi nos an dadu brias e impannos.

In sos elencos de sos premiados
chi Luisi po nois at iscrittu
amus chircadu tott'abolottados.

E si su coro si nos faghet frittu
ca in d-unu logu non semus colados
su mes'iffattu torramus a pittu

e grassias a su situ ch'amus prontu
ischimus de “Calliope” donnia contu.