Mi naran Peppe ista mudu
ma mudu non potho istare
cudda die accurzu a mare
nanchi issi a culu nudu.

Aneddu t’as postu in manu
e unu ghermallu in su pettus
si non ti corcas chin mecus
a domo non torro sanu.

Da sos ballo ghiratinne
torra prestu a domo tua
chircanne tes mama tua
sas iscarpas son pedinne

Comare in ballos attenta
ritimada e graziosa
pero de cudda cosa
non ne acchette argumenta

Intrada est a su ballu
che crapola istat giumpenne
si ti la ses pertenenne
mira non fettas irballu

Ballos de carrassecare
sono acchenne intro sa sala
vae ticche in ora mala
e lassa custu toccare

Comare da un’ispinta
a supra sinn’est ghettada
appenas mi l’at toccada
de pius si m’est astrinta

Chin sa veste pilissada
Ballas in sa die festa
sos corros c’assa in sa testa
son tottu e s’ammorada