A ti cantare
cherio si intendes
custu pìulu
ca non potzo frenare sa gana franca
de ddu fàere ‘olare in bratzos tuos.

E gasi a ddu nannigare
po intrare paris in unu sonnu de creatura
a cumandare abbas
rios, ma ite naro ! ispumas muntagninas de cuntierras
chi chirrant cara a chelu
che lèbios umores appaigados
e tando sì
ca luego
nos amus a poder amare.

T’apo a bìere
bella
e m’as a istrìnghere
fintzas a cando at a torrare su nieddore
dae rimbumbos ninnaos
in puddiles
ancora ligaos
cras
pustis.

Ti canto.
Dd’intendes sa melodia
amore!
no est su ‘entu, e nemancu s’astore
est arreccattu de pane appena cottu
s’abba frisca
chi semus buffande in fozas de amenta.

____________

Vorrei cantarti

Vorrei cantarti se senti questo cinguettio, ché non posso frenare la voglia sincera che ho di farlo volare fra le tue braccia.
E insieme cullarlo per entrare in un sogno di bambino, chiamare la pioggia per fare i rii, ma cosa dico, schiume montagnine di dispute che si appartano verso il cielo, come leggeri vapori riappacificati e allora sì che subito ci potremo amare.
Ti vedrò, bella, e mi stringerai fino a quando arriverà la notte e nelle albe di domani e dei giorni a venire dondolati dai nostri echi.
Ti canto.
La senti la melodia, amore!
Non è il vento e neanche l’astore, è il pane appena sfornato, l’acqua fresca che beviamo dalle foglie di menta.

Terzu Premiu in su Prèmiu Biennale de Poesia in Limba Sarda “A pes de Santu Padre” de Bortigali 2019