COMUNE DE
TZARAMONTE
(PROVINTZIA DE TATARI)
Tzaramonte, 10 de Lampadas 2009
A sos poetes de Sardigna,
semus boghende a pizu sa prima editzione de su Premiu de poesia in Limba
sarda "Santu Mateu", organizadu dai su Comune, dai sa "Pro
Loco" e dai su Comitadu de Santu Mateu.
Pro ocannu su cuncursu benit intestadu a s'ammentu de Bainzu Cossiga,
"su poete cristianu" de Tzaramonte, nàschidu in su
1809 e bènnidu mancu in su 1855, a s'edade de 46 annos.
Su premiu devet esser un'ocasione nòdida de abboju e de ammentu
de sas cosas chi nos aunin dae "Cabu 'e susu" a "Cabu
'e josso", totu fizos de una nadia: sa Sardigna.
Su cuncursu at a esser fatu a cunfromma a su regolamentu chi sighit
in custa mantessi fatzada.
Sa premiatzione at a esser fata in Dominiga manzanu, su 20 de
Cabidanni, in Tzaramonte. Sos interessados
an a esser infrommados a tempus sou.
Amus a esser reconnoschentes si nos azis a onorare cun sa partetzipatzione
e cun sa presentzia ostra.
A nos bider sanos.
SU SINDIGU
Giancarlo Cossu
REGULAMENTU
1^ EDITZIONE DE SU PREMIU
"SANTU MATEU" IN TZARAMONTE INTTTULADU A BAINZU COSSIGA BANDU
DE CUNCURSU
• Sos trab°glios
deven arrivire intro sa die de Martis 18 de Austu 2009 (s'at
a
tènnere contu de sa data de su timbru de sas postasi),
a:
"Segreteria de su Premiu SANTU MATEU in Tzaramonte"
- Comune de Tzaramonte - Via Fratelli Cervi, 1 - 07030 CHIARAMONTI.
• Sun ammissos a su Prèmiu trabàglios iscritos in
ogni variedade de sa limba
sarda, fintzas in sas eteroglossias internas e in sardu-corsu.
• Sos trabàglios deven giùghere iscritu in pes de
s'ultimu fògliu, numene e sambenadu de s'autore, data e logu
de nàschida, s'indiritzu giustu e-i su nùmeru de telèfono
ue si diat chèrrer giamadu. Si podet imbiare finas calchi riga
de "curriculum".
• Totu sos trabàglios deven èssere imbiados in 8
(otto) còpias giàras, chi si potan lèger bene.
• Si racumandat de tmpttare fòglios chi apan madida A4
(cm. 21x29,7), lassende una doa de nessi tres centìmetros a s'ala
manca pro sa regolta chi s'at a fàghere»
• Sos fòglios non cheren incollados, e nemmancu cosidos
a pare. Dade nos los
prontos a los partire pro los dare a sa giuria. Aggradessimus finas
cunsizos prò mezorare su Premiu. Ponide nos los a banda intro
sa busta, chena los cosire a sos trabàglios chi imbiades a su
cuncursu.
• Totu sas fainas an a èssere inèditas e non deven
aere àpidu reconnoschimentos in àteros cuncursos literàrios
a sa die chi los sezis imbiende a nois.
SOS PRÈMIOS DE SU
CUNCURSU
S'an a dare prèmios in dinari a sos primos tres classificados
de ogni setzione, a cunfromma a sas dìsponibilidades de su Prèmiu.
Poden èssere assignados prèmios ispetziales.
SETZIONES POESIA SARDA
Ogni cuncurrente podet imbiare una poesia a tema liberu (cun rima o
chentza rima). Si devet imbiare finas una còpia de sa tradutzione
in limba italiana, chi unu cras at a esser posta a disponimentu de sos
istudiosos. Sos chi iscrien in saligheresu o in tabarchinu, deven imbiare
8 (otto) còpias de sa tradutzione in limba italiana.
Si racumandat de non nch'essire dae su lìmite de 40 (baranta)
versos. Foras de sa busta, si bi devet iscrìere: Setzione Poesia
Sarda.
POESIA PRO SU CÀNTIGU
Destinada a sa poesia cantada o de cantare. Ogni cuncurrente podet imbiare
unu cumponimentu a tema lìberu, sighende sos ischemas e-i sas
formas poèticas e mètricas ligadas a sa tradizione (pro
ocannu si comintzat cun poesias chi potan esser cantadas a cantu in
re). In custa setzione non bi cheret sa tradutzione in limba italiana,
ma est agradessidu meda si nos imbiades unu glossàriu cantu pius
cumpletu, prò dare importu a sos limbazos de ogni bidda. Nos
an a fàgher piagherà finas sas indicatziones chi s'autore
nos cherfat imbiare subra sos ischemas antigos e-i sas formas poèticas
chi at impreadu, leende in cunsideru sas traditziones de Sardigna e
finas cussas pius nòdidas de sa bidda de s'autore.
Foras de sa busta, si bi devet iscrìere: Setzione "poesia
prò su càntigu".
AVERTÈNTZIAS
• A leare parte a su cuncursu est a s'indonu e non benit pedida
tassa peruna
• Un'autore podet leare parte a una o a pius de una setzione de
sas chi sun in
cuncursu
• Sos autores premiados cun su Primu Prèmiu poden torrare
a bìnchere in cussa setzione solu a pustis de tres annos
• Sas fainas non benin torradas in segus e-i su Comitadu si reservat
ogni dritu de las publicare cando e comente podet capitare, finas in
sa ràdio, in sa televisione e in Internet, chentza pagamentu
perunu. A fora de custos impitos s'autore restat proprietàriu
de sa faina chi at iscrìtti.
• Leende parte a su cuncursu, cheret nàrrere chi benin
atzetadas in totu dae s'autore sas règulas chi bos amus dadu
a connòschere.
PREMIATZIONE
Sa premiatzione at a bènner fata Domìniga manzanu,
su 20 'e Cabidannì de su 2009, in sa 'idda de Tzaramonte.
Avertimus dae como chi sos autores ebbia chi an a leare reconnoschimentos
dae sa giuria, an a retzire cun tempus una fitera a domo isserò
o an a bènner giuilados in telèfono.
Sas poesias de cantare an a esser cantadas, dae s'autore mantessi, si
si la sentit. O, si nono, dae sos cantadores nòdidos a chiterra
de Tzaramonte.
SA GIURIA Presidente: Maria Sale
Cumponentes: Nicola Tanda, Paolo Pillonca, Antonio Canalis, Stefano
Demelas, Anna Cristina Serra
Segreteria: tel. 079 568025
