|
Premio Ozieri di
Letteratura Sarda
BANDU DE CUNCURSU 2011 Su “Prèmiu de Otieri”, fundadu dae Toninu Ledda in su 1956, contivizat, dae chimbantatres annos, atividades chi agiuant sa cultura, sa limba e sa literadura de Sardigna. REGULAS DE PARTECIPATZIONE COMUNES A TOTU SAS SETZIONES Sos trabàglios
devent giòmper a sa Segreteria de su “Prémiu
Otieri” de Literadura Sarda – Via Ugo La Malfa, 28 –
07014 OZIERI (SS) intro sos termines indicados (s’at
a tènnere contu de sa data de su timbru de sas postas). Non fatedas
racumandadas. Bos avitades ispesas e nois sas lìteras las retzimus
etotu! NOVIDADE DE IMPORTU MANNU: Si bos
benit bene, mandade-nos sos trabàglios - in pius de sas règulas
de partecipatzione iscritas subra - finas pro e-mail a s'indiritzu:
premiozieri@yahoo.it. SOS PREMIOS DE SU CUNCURSU S’ant a dare prèmios in dinari a sos primos tres classificados de ogni setzione, a cunfromma a sas disponibilidades de su Prèmiu. Podent finamentas èssere assignados prèmios ispetziales. Sas poesias e-i sos contados premiados paris cun cussos chi sa giuria dessignat de imprentare, ant a èssere postos in su cuadernu annuale. EMIGRADOS In mesu a sos emigrados chi ant a resessire a leare reconnoschimentos dae sa giuria in sas setziones de ocannu, ant a rezire sa “Coppa Messaggero Sardo” unu o pius autores. SPORT Unu prémiu a banda est destinadu da-i su Panathlon Club de Otieri a unu tribàgliu a séberu de sa Giuria chi contet sos valores ladinos de su Sport, a fora da-i sas luas e da-i sos trobojos e trassas chi a dies de oe lu sunt anneulende. SU GIUDITZIU DE SA GIURIA EST INSINDACABILE SETZIONES POESIA SARDA INEDITA “Antoni Sanna” Ogni cuncurrente podet imbiare una poesia a tema lìberu (cun rima o chentza rima). Si devet imbiare finas una còpia de sa tradutzione in limba italiana, chi unu cras devet essere posta a disponimentu de sos istudiosos. Sos chi iscrient in saligheresu o in tabarchinu, devent imbiare finas 9 (noe) còpias de sa tradutzione in limba italiana. Si racumandat de non nch’essire dae su lìmite de 40 (baranta) versos. Foras de sa busta, bi devides iscrìere: Setzione Poesia Sarda Inèdita "Antoni Sanna". PROSA “Anghelu Dettori” Ogni cuncurrente podet imbiare unu contadu o cale si siat iscritu in prosa, a tema lìberu. Sas fainas chi imbiades devent càbere, dae pius a mancu, in 5 (chimbe) pàginas iscritas a màchina o a computer (corpus 12). Si devet imbiare finas una còpia de sa tradutzione in limba italiana. Ogni còpia devet èssere cosida e pronta a la seberare pro sa giuria. Foras de sa busta, bi deves iscrìere: Setzione Prosa “Anghelu Dettori”. TRA POESIA E CANTIGU “Antoni Cubeddu” Destinada a sa
poesia cantada o de cantare. Ogni cuncurrente podet imbiare unu cumponimentu
a tema lìberu, sighende sos ischemas e sas formas poèticas
e mètricas ligadas a sa traditzione (comente: nìnnidos,
atìtidos, gosos, modas, mutos, repentinas etc.). In custa setzione
non bi cheret sa tradutzione in limba italiana, ma est agradessidu meda
si nos imbiades unu glossàriu cantu pius cumpletu. AVERTENTZIAS A leare parte a su cuncursu est a s’indonu e non benit pedida tassa peruna. * Un’autore podet leare parte a una o a pius de una setzione de sas chi sunt in cuncursu. * Sos autores premiados cun su Primu Prèmiu podent torrare a bìnchere in cussa matessi setzione solu a pustis de tres annos. * Sas fainas non benint torradas in segus e-i su Comitadu si reservat ogni deretu de las publicare cando e comente podet capitare, finas in sa ràdio, in sa televisione e in Internet, chentza pagamentu perunu a s’autore. S’autore, pero, restat proprietàriu de sa faina chi at iscritu e nde podet dispònnere a piaghere sou. * A leare parte a su cuncursu cheret nàrrere chi benint atzetadas in pienu dae s’autore sas règulas chi bos amus dadu a connòschere. PREMIATZIONE Sa premiatzione at a bènnere fata s’ùltima domìniga de Cabidanni de su 2012. Avertimus dae como chi ant a retzire cun tempus una lìtera a domo insoro sos autores ebbia chi ant a leare reconnoschimentos dae sa giuria. Segreteria
de su Prèmiu ================================ |
