CUNCURSU
DE POESIA SARDA “ANTONI PILUDU” – ANNU 2009
XVIII EDITZIONE
BANDU DE CUNCURSU
S’Amministratzione
comunale de su Comune de Iscanu, paris cun s’Ufìtziu de
sa Limba Sarda e cun sa Consulta pro sa Limba e sa Cultura Sarda, bandit
sa de XVIII editziones de su cuncursu de poesia sarda “Antoni
Piludu”.
NORMAS DE PARTETZIPATZIONE
Benint amìtidas a su cuncursu sas òperas iscritas in cale
si siat variante de sa limba sarda. Est gradida sa tradutzione.
ART. 1
Su cuncursu est articuladu in 3 setziones:
Setzione 1: Poesia in rima
a tema lìberu;
Setzione 2: Poesia in versos
lìberos a tema lìberu;
Setzione 3: Poesia o prosa
pro sos pitzinnos de sas iscolas Elementares e Mèdias de Iscanu.
Tema lìberu.
ART. 2
Si podet cuncùrrere a una setzione cun un’òpera
ebia. Si racumandat de rispetare su lìmite de 40 versos. Est
pretzisu de non nche colare sos 50.
ART. 3
Sas òperas, datiloscritas o iscritas a ‘stampatello’,
cherent presentadas in 8 còpias craras e fatziles a lèghere.
Chie lu podet fàghere est pregadu de nche mandare sos cumponimentos
finas in formadu digitale (floppy disk o CD).
Sos elaborados non cherent firmados, tocat de bi pònnere unu
“mottu” in fundu. Sas generalidades (nùmene de s’autore,
indiritzu e nùmeru de telèfono, e in prus su “mottu”)
cherent postas a banda, in busta sigillada posta in intro de sa busta
manna.
Sos cuncurrentes devent iscrìere in sa busta de fora a cale setzione
partetzipant.
ART. 4
Sas òperas cherent inèditas e mai premiadas in àteros
cuncursos leteràrios. Sas òperas presentadas, chi non
benint torradas, non sunt vinculadas dae perunu deretu de autore e sos
elaborados ant a abarrare de propiedade de su Comune de Iscanu, chi
los at a pòdere impreare pro cale si siat iscopu culturale sena
cumpensu perunu pro sos autores. In casu de publicatzione sa Giuria
si riservat su deretu de fàghere eventuales curretziones ortogràficas.
ART. 5
Sa busta cun sos elaborados cheret imbiada pro mesu de servìtziu
postale cun afrancamentu normale intro de su 30/06/2009 (l’at
a documentare su timbru postale) a s’indiritzu chi sighit: COMUNE
DI SCANO MONTIFERRO – UFFICIO DELLA LINGUA SARDA – PIAZZA
MONTRIGU DE REOS S.N. – 09078 SCANO MONTIFERRO (OR).
In sa busta bi cheret iscritu: XVIII CONCORSO DI POESIA SARDA “ANTONI
PILUDU” – SEZIONE N° ____.
ART. 6
Sas òperas ant a bènnere giudicadas dae una Giuria apòsita
de espertos (numenada dae sa Giunta comunale), e su giudìtziu
est insindacàbile.
ART. 7
Ant a bènnere premiados sos primos 3 classificados de ogni setzione.
Sas premiatziones s’ant a fàghere, cun probabilidade, in
su mese de cabidanni in su teatru “Nonnu Mannu” de Iscanu.
S’Amministratzione comunale at a fàghere connòschere
sa data de sas premiatziones pro mesu de istampa.
ART. 8
Pro partetzipare a su cuncursu non si pagat nudda e sa partetzipatzione
cumportat sa connoschèntzia e su cunsensu a custu Bandu.
Iscanu, 20/05/2009
Bortadu in Limba Sarda Comuna
dae s’Ufìtziu de sa Limba Sarda de Iscanu
=============================
I Vincitori del concorso 2008:
Setzione I
Vasco Giangavino (Bortigali) - Ticcos de consolu
Mela Domenico (Castelsardo) - Babbu Caru
Curreli Gesuino (Oliena) S'istria
Setzione II
Angeli Gigi (Palau) - Solidades
Piras Raffaele (Quartucciu) - Steddus fuius
Piu Armando (Mamoiada) - Appedicande sos affettos
Premiu ispetziale
Manunta Giovanni (Iscanu) Su mastru e s'ischente
Mentziones de onore
Cuccuru Luciano (Sassari) - Lampizos intro 'e s'anima
Garrucciu Gianfranco (Tempio Pausania) - Amistai
Maicu Mimiu (Santulussurgiu) Albure sena fruttu
Murtas Nanni (Santulussurgiu) A una foza
Piga Franco (Romana) Terra
Signalatziones
Cannoni caterina (Ittiri) - Ellis Island
Manca Peppino (Iscanu) - Iscanu Montiferru
Mudu Ignazio (Assemini) - Fintzas a candu memoria
Peigottu Pietro (Sassari) - Sero 'e istiu
Rosu Francesco (Orosei) Camminos vetzos
