Unu pessu
pro su poeta Franziscu Dedola
de Gigi Angeli
Tres dies faghede hat "cumpridu" su poeta/iscrittore Franziscu DEDOLA
Chered'esse
custu unu pessu 'e ammentu de coro, pro una pessone amiga e cumpanza de
nois tottu (e no solu ...) chi nos interessamus de 
Poesia
e chi hamus appidu s'occasione de lu connoschere in sos varios cuncursos
in Limba chi si tenene in Sardigna.
De Franziscu si podet narrere chi fidi veramente su "Poeta/pastore". Fitzu de una familia manna de Montresta, fit alzadu dae minore a sa Marina 'e Sosso pro faghe su pastore dae tios suos chi istaiana in cue; e pastorighende in cussa marina s'est fattu mannu e in Sosso fit restadu.
A mannu haiat istudiadu in sos iscolas serales, ma ischiat iscriere dae sempre; in sas pagos momentos de pasu dae su tribagliu, naschiana sas suas poesias. Passadu, a mannu, a faghe' s'oltulanu ad appidu puru una esperienzia, no longa, de emigradu in Germania. Hat iscrittu puru testos de cantones.
Fidi una pessone meda rettirada e de pagos faeddos ma s'abberiat e s'esprimiat meda ene in sas suas poesias. Poesias chi restana gasi comente restat s'ammentu de su poeta Franziscu DEDOLA.
(23-02-2013)
